Смачныя пытанні і несмачныя адказы

11.09.2025. Вечар.

На ўсё трэба звяртаць увагу? А калі так, то як? Гэта ж вельмі складана!!! Як Ты можаш адказваць мне?? Чаму Ты мне не адказваеш?? А калі Ты мне адказваеш, то чаму я гэтага не чую?? І чаму Ты не размаўляеш са мной так, як з маім татам?

Мммда. І што цяпер?!

Я вырашыла пачытаць гісторыю Прычына нашых пакут. Чаму менавіта гэтую? Проста я гэтую гісторыю яшчэ не чытала. У гэтай гісторыі ёсць фрагмент, калі першыя людзі зразумелі, што яны зусім нагія і хацелі схавацца. Я быццам бы зразумела, пра што гэта, але не ўбачыла падабенства з сабой.

І тут нечакана вечарам да мяне прыйшло разуменне. БАЦ!!! Добра. Проста калі я выходжу з ваннай, я іду праз кухню, а ў кухні ёсць акно. Я іду не да канца адзетая і са святлом. І я заўсёды думаю, як прайсці міма акна так, каб мяне не было відаць, таксама хаваюся! Я як і першыя людзі стараюся ў жыцці нешта схаваць! І не толькі як я выглядаю, але і духоўна.

Але якое дачыненне гэта мае да маіх першых пытанняў?

Ага, Ты так са мной камунікуеш і даеш адказы! Праз такія сітуацыі і тое, што мяне акружае! Цікава.